31 Juli 2008

KÍ hevur eina virkna ungdómsdeild. KÍ bjóðar øllum børnum í Norðoyggjum eitt tilboð um at venja og spæla fótbólt í frítíðini, samstundis sum ungdómsdeildin eisini roynir miðvíst at menna spælarar til bestu mans- og kvinnuliðini í felagnum.

Fleiri enn 300 børn venja tvær ella tríggjar ferðir fótbólt í KÍ hvørja viku frá apríl til september, og harafturat venja fleiri av liðunum eisini um veturin. Umleið 35 venjarar taka sær av ungdómsliðunum hjá KÍ, sum spæla yvir 250 dystir samanlagt í hvørjum kappingarári.