04 Mars 2010
Tað verða TB, ÍF, B68 og KÍ sum fara at dystast í ársins Klaksvíkskapping
Klaksvíkskappingin verður leygardagin 13. mars og sunnudagin 14 mars.
Aldursforsetin TB kemur longu leiðina norð og tað verður spennandi at síggja teir, tí TB og KÍ leika í somu deild hetta kappingarárið. ÍF kemur eisini á vitjan og har vita vit at bæði Jákup Mikkelsen og Rógvi Jacobsen leika við. B68 undir leiðslu av Klaksvíkinginum Bill Jacobsen er triðja liðið, ið verður at síggja á plenini miðjan mars. Hesi bæði síðstnevndu liðini leika í Vodafone-deildini og mugu tí metast sum favorittar at vinna ársins Klaksvíkskapping
Býráðið hevur bæði játta at grava vøllin komandi mikudag og eisini er Klaksvíkar Býráð vertur fyri kappingina. KÍ er í góðum hondum.
Lutakastið verður seinni og kunnað verður meir um tað.
