17 Februar 2009
Tvær kvinnur eru fyri fyrstu ferð í søgu Klaksvíkar Ítróttarfelags vorðnar nevndarlimir
Klaksvíkar Ítróttarfelag hevði aðalfund mánakvøldi 17. februar. Tað heilt sermerkta við hesum fundinum varð at tvær kvinnur blivu valdar í ovastu leiðslu felagsins. Fitt av fólki vóru møtt upp til fundin og formaðurin Tummas Lervig bjóðaði vælkomin og síðani var farið ígjøgnum dagsskránna við Pól Mikkelsen sum orðstýrara. Fyrst mintist fundurin teir limir, ið eru farnir seinasta árið.
Í nevndina fyri Klaksvíkar Ítróttarfelag blivu vald:
Tummas Lervig, formaður.
John William Joensen, næstformaður
Anja Samuelsen, ábyrgdarfólk fyri fótbólt
Anna Maria Dahl, ábyrgdarfólk fyri fótbólt
Jóhann Lutzen, ábyrgdarfólk fyri samskifti
Kristoffur Ragnarsson, ábyrgdarfólk fyri hondbólt
Einki ábyrgdarfólk fyri fíggjarviðurskifti varð valt, tó at Guttorm Sørensen ikki tók við afturvali, men nevndini varð heimilað at finna eitt skikkað fólk av aðalfundinum.
Rokniskapurin fyri KÍ bleiv góðkendur av aðalfundinum. Limagjaldið og leikaragjaldið varð sett eins og í fjør.
Jóhann Lutzen, stjóri í Sp/f KÍ, ið tekur sær av fremsta mansliði felagsins, kunnaði at enda um leistin og tók fram tær meginreglur stýrt verður eftir.
