08 September 2008
Venjarin hjá Formulaliðinum, Eyðun Klakstein hevur sagt seg úr starvi sum venjari hjá KÍ
Eyðun hevur gjørt eitt gott arbeið fyri KÍ
- Eyðun hevur sum Formulavenjari gjørt eitt stórt arbeiði fyri KÍ seinasta árið, og samstarvið millum venjaran og ábyrgdarfólk í felagnum hevur verið fyrimyndarligt. Vit harmast, at venjarin hevur sagt seg úr starvinum, men vit virða hansara avgerð og ynskja honum alt tað besta í framtíðini. Vit vóna eisini, at Eyðun heldur fram at arbeiða á øðrum økjum í felagnum, sigur Tummas Lervig, formaður í KÍ.
- Tað eru fleiri orsøkir til, at eg havi tikið avgerðina um at gevast júst nú. Eg ynski Formulaliðnum og felagnum annars alt tað besta, og eg ivist ikki í, at Formulaliðið fer at sigla millum skerini og hevur kós ímóti einari spennandi framtíð, sigur Eyðun Klakstein.
Eyðun Klakstein hevur verið Formulavenjari hjá KÍ síðani mai mánað í fjør. KÍ leitar nú eftir einum nýggjum venjara til Formulaliðið.
