05 Februar 2010
Rannvá Andreasen, Sigrid Jacobsen, Randi S. Wardum og Malena Josephsen eru úttiknar til A-kvinnulandsliðið, sum skal luttakað í Algarve Cup í Portugal í døgunum 23. febr. til 3. mars.
Algarve Cup er ein kapping har fremstu londini innan kvinnufótbólt møtast. Føroysku kvinnurnar koma hesar dagarnar, at verða í sama umvhørvi, sum millum annað heims- og europameistarnir Týskland, USA, Kina og saman við øllum hinum norðlondunum. Hesini liðini koma at leika í bólki A og B, meðan føroyska liðið kemur at leika í bólki C har mótstøðuliðini verða Portugal, Eysturíki og Romenia.
Fyrsti dystur er 24. febr. ímóti Portugal. Næsti dystur verður 26. febr. ímóti Eysturíki. Triði dysturin verður 1. mars ímóti Romenia. Seinasti dystuirn verður 3. mars har leikt verður um placering.
Tær úttiknu eru hesar:
Asta Magnussen, Olga Kristina Hansen, Steintóra Joensen úr AB
Ansy Sevdal úr B68/NSÍ
Liljan á Fløtum Petersen úr HB
Sigrid Jacobsen, Rannvá Andreasen, Randi S. Wardum, Malena Josephsen úr KÍ
Fríðrún Danielsen, Kirstinbjørg Frederiksberg, Evi Mikkelsen úr Skála
Rósa Magnussen, Heidi Sevdal úr Víkingi
Sólvá Joensen úr BK Skjold (DK)
Bjarta Johansen úr Team Viborg (DK)
Mona Breckmann úr Karlsruher SC (TÝS)
Venjarar hjá liðnum eru Álvur Hansen og Jacob Thomsen
Heimasíðan ynskir teimum alt tað best og góða eydnu.
